周秀娜獲邀請出席於科技大學舉行, 由嶺大文化研究系副教授李小良「解讀『周秀娜』現象」講座。老實說我頗為期待. 周小姐初出道時對她沒甚感覺, 直至看過她的專訪才刮目相看. 比起一眾o靚模, 我相信周小姐絕對是有腦之人. 而周小姐答應出席, 相信她頗有自信可以藉今次講座一洗大眾對她的看法

可惜觀乎昨天的對答撮錄, 周小娜未能交出一份亮麗的成積表.

李：你覺得呢個年紀o既人，有乜共同特色？
周：冇電腦會死，好多時o係網上搵資料。
李：除o左呢樣，生活上呢？
周：大家都好鍾意好爆o既o野、差異好大o既o野，（全場笑）例如巴士阿叔。
李：有乜差異？
周：er……（答唔出）大家都追求刺激，依家年輕人好鍾意玩自拍，我都係其中一個。
李：你係咪覺得呢代人好鍾意激烈情緒同情感上得到愉悅？
周：好深喎。（全場大笑和拍手）
李：自拍愉悅係咪快樂一種？自拍同反叛有冇關係？
周：個個定義唔同，以前鍾意，依家係工作一部分，o的人用呢種方法放上網，證明自己o既存在。
李：自拍同反叛有冇關係？
周：你指情色成分？
李：唔係，我指係反叛……
周：我覺得自拍好開心。
李：有冇曾經後悔？例如為讀書冇睇一場騷。
周：我好後悔冇好好讀書。
李：對於我冇睇騷，你有乜comment？
周：教授，我好難comment你。（部分人拍手）
李：依家年輕人係點？
周：我唔係好理解依家o既年輕人，因我都唔了解自己，要搞掂自己先。
李：咁你有冇衝動同欲望梳理自己？
周：你可唔可以講多次？係咪逃離？
李：係好好了解自己。
周：會呀，有時唔知自己做緊乜，係想知自己點解要咁做。
李：你覺得年輕人追求自己或做緊乜o野係咪好重要？
周：好深。我諗係重要o既，唔係追求自己，係追求自己o既目標，係無止境追求更高位置，對我o黎講係一種快樂。
李：快樂對你o黎講係咩？「你快唔快樂」？
周：快樂，我好鍾意自己o既工作，雖然過程有唔開心、有困難。快樂係自己追求，唔可以停留，要知道自己為乜而笑。

可惜可惜. 有理由相信是經理人公司有要求盡量收斂和抑制. 寧願答得無寧兩可都不要答錯. 其實走到這個地步又何苦裝成熟扮玉女? 我們需要的只是類似楊千嬅敢言敢性, 但後生同靚過楊千嬅既烈女而已.

有智慧同有學識是兩回事, 這點大家都心裡有數. 而周小姐的年齡,學識及社會經驗, 有些提問是無可能懂得回答或答得好. (亦相信大學生都無乜邊個可以答得好) 反正左右是個死, 可不真一點, 串一點, 甚至反客為主將問題推回給教授, 拋磚引玉相信效果會更討好.

看撮錄李教授似乎一早已經標籤了周小姐, 提問中想誘導周小姐答出他心中的答案. 一條問題不成, 便轉問另一條. 直至提到"快樂"兩字便窮追猛打. (據報章所述, 李教授前後問了3次 你快樂嗎) . 我不知教授背後的目的, 表面上是想搞gimmick 多於一齊學術性的討論. 背後似公審周小姐.

不打緊, 一定會再有機會. 轉形象都不能急於一時. 好好累積經驗, 智慧下次要好好把握. 露暈我知你一定可以成為新一代奇女子, 我撐你 !!

p.s. 記者訪問在場學生, 其中一位科大人文學部研究生詹先生表示：「有人說口靚模無腦，可能她未準備好吧，她的回答對學生沒有幫助。」 陰公, 原來研究生都係讀屎片. 請問你預期周小姐的回答會有何幫助呢 ? 難道你真以為她是一個大學講師? 訓醒未呀?