前言: 本來呢, 諗住今篇係last 一篇, 結果愈寫愈長, 無計唯有分拆. 另, 今篇接番親戚(一)

ok 上回提到親戚A中風入院. 我真心覺得自己黑心. 我即時反應是"難道惡人真有惡報?" 當然. 慈祥的老母並不這樣想. 她第一時間已經表示, 由於手術費用昂貴, 親戚A 家應該沒有能力支付, 所以想支助一下她們. 我聽一聽金額, 不大. 便道 "錢係你, 你喜歡啦"

話口未完親戚A老公已經出手.

有次老母探病時, A老公捉住老母說" 你借五十萬俾我!"  啦! 又黎啦又黎啦!!  老母愕然, 銀碼比上一次還大呢. 老母回道" 銀碼咁大, 你唔還我會好麻煩" . A老公立刻咆哮道 " 我點會唔還!!! 我點會無錢還!!! 只係五十萬, 我一個月還萬幾點會還唔到??  我求其出去接個job做都五十萬啦,  就算我唔還我個女都會還!!"

都痴九撚線. 老母借故說要和家人商量,立刻撒退.

老母照舊心大心細, 我說五十萬不是小數目, 將來touch wood 到你有事時都係靠呢筆錢. 更何況, 如果無錢何解要堅持住法國醫院? 昏迷病人唔知訓幾耐? 五十萬住兩個月乜都無啦. 到時又再借??根本就唔make sense.

老母又唔聽.. 唉 .. 從來未出場的老豆竟然係呢個時候發功"佢係我個妹, 幫到就幫啦" .... 吹脹, 你明點解老豆從來無出場啦! 因為佢講既野係可以完全當耳邊風. 聽完算.  可惜今劑就令徬徨的老母更徬徨!!

其實我最關心的,莫過於我今後的生活. 試想想如果真的借了錢人地又無錢還, 我! 將會活於無間地獄永不超生. 

好彩, 天可憐老母!! 天可憐我!!!   誤打誤撞聯絡親戚A 從前的舊友人, 亦是我家從前的保險經紀, 竟然得知驚為天人的秘密 !!!!!!!!!!!!!!!!!!!