和朋友說起看中醫，大家都嘆說好中醫難尋。才疏學淺，不敢亂評人「無料到」，含蓄一點用一個「夾」字。不是你不好，只是我跟你實在「唔係好夾」，無奈分手say goodbye。

中醫就是這樣麻煩令人郤步。先要找好醫師，然後又要解決吃藥問題。夾到又代煲藥自然好。不設煲藥嗎 ? 退而求其次雖然藥力差點，藥粉都照殺。遇到好的又沒藥粉時最慘。不是自己不能煲，實在試驗多次，無唯再虐待自己。

還要選地點呢 ! 雖則聽聞九龍城呀，沙頭角呀有什麼傳說神醫，不過也不想試了。朋友說得好 「脫離了生活的軌跡，再好也無用。」

番工放工回家路線不順，勉強自己試，再好第三回後必定因為 : 1. 啱啱先開完會，趕唔切!! 2. 落咁大雨，由尖咀去九龍城再番銅鑼灣.... 都係算啦。 3. 約左朋友8點係銅鑼灣，家下趕去又趕唔切番黎喎 。 4. 今日終於趕得切啦 ! diu ! 人地今日休息等等等等，而最終放棄。何必挑戰自己呢? 客觀因素不利，非得靠堅韌意志。但家下不過係睇中醫，又唔係揀老公......

更何況我若有那麼多意志，我情願用來減肥 !