經常性 :

食飯等位時才發現無帶NDS, 無帶書, 忘記買雜誌, 電話無電, 餐廳所在的地方無其他商店, 最後一個人站在原地, 一邊喃喃自語, 一邊呆等.

又或者, 明明銅鑼灣有跌打界巨星陳志英, 但都要坐45分鐘地鐵到荃灣睇跌打, 最後發現人地休息(仲要本身有電話但事前懶得確認), 於是再坐45分地鐵番銅鑼灣睇陳志英.

又或者, 去旅行/出差時, 到酒店check in 後才發現:有帶con 無帶眼鏡, 有帶齊nds/相機/電話/mp3, 但通通無電而又忘記帶充電器. 回程時又會在酒店, 飛機, 巴士, 路邊漏失任何一樣隨身物品, 包括電話, 錢包/散子包, 書, nds等等

又或者, 著住運動衫去cali, 跳完無敵三堂, 沖完熱水涼, 覺得自己非常relax時先發現忘記帶替換的衫, 於是著回原衫, 又再一身汗臭飛奔回家.

又或者, 係茶餐廳嘆完早餐先發現自己唔夠錢賣單, 左搵右搵都仲爭5蚊, 最後用了八達通抵押. 番到公司後, 駭然發覺自己原來有帶銀包.

又或者, 懶勤力, 星期六日拿了公司的note book 回家做powerpoint. 到星期一去到公司樓下先發現note book 漏左係屋企.

是大矇?做人無計劃? 無準備? 經常臨急抱佛腳?太樂觀? 無經驗?黑仔?白痴?大腦少條根?定其實根本無腦?

anyway, 都是我.

(不過, 有一件事我永遠小心. 就是散子包裡, 永遠都有一個全新的condom....)