有些事情, 真的不是人人有本事, 有資格做. 有本事的人做, 可以好型. 無資格的人做, 就是令人髮指, 天怒人怨, 人人得以誅之, 要用榴槤通佢櫃桶.

可解咁~感慨? 無他, 皆因最近俾我遇到兩件.

懶 - 蠢係無罪, 我地相信將勤補拙. 俾心機做, 做得唔好大家都會欣賞. 又蠢又懶, 老實講唔死都無用. 不過唔該死埋一二邊, 我都可以忍你. 又蠢又懶仲要"懶"醒.. 哇, 簡直是人間極品. 累人累街坊都唔緊要, 累到我做多幾個鐘就係死罪... 都唔緊要! 又蠢又懶又"懶"醒仲要扮型..... 你係咪想我打七你? 懶係聰明人的專利, 自以為聰明就是你的大忌!

死樓 - 話說果日去睇樓想租個單位. 屋主把口甜到漏, 又咁又咁, 好啦諗住三十年唐樓都應該大啦, 雖然無裝修, 無間隔, 都諗住睇左先. 一開門....哇... 個單位細到呢... 我都唔知點形容. 好啦, 我本著慈悲為懷之心, 落訂諗住試下先啦. 你老板, 無水無電無煤氣簡稱一楝死樓. 果一刻我真係慶到震, 心入面不停頌念diu his la sing. 你話你靚裝, 有騎樓有間隔, 四四正正呎數足, 我住得舒舒服服, 水電煤我自己搞掂都無問題, 起碼我覺得值. 但請問閣下又憑什麼呢???

點解有咁多人可以大條道理自以為自己有資格做無頼.
難為我仲成日覺得自己連愛人的資格都無.....

4 Responses so far.

  1. naruto says:

    好怕遇到懶蠢人,但其實有無人覺得自己蠢呢?我都好想知

  2. casper says:

    先生, 你都好燥喎!

    一向都話人蠢有得醫, 不過人懶就冇得救, "懶"醒既就打死佢好過!!

    租樓買樓同揀老公一樣, 慢慢啦!!

  3. F4 says:

    點解有咁多人可以大條道理自以為自己有資格做無頼.
    難為我仲成日覺得自己連愛人的資格都無.....

    又不要乘機做怨女. 沒有人愛都有很多原因的.
    我夠覺得我配得上吳彥祖有餘...

  4. Gary Lam says:

    咦~ F4, 做乜你話你配得上吳彥祖既, 你唔係配李嘉欣既咩...

    乜你係基架? 乜我唔知既....

Leave a Reply