回家
“見你咁慘, 介紹個朋友俾你識,
不過識左之後無得番轉頭, 你諗清楚!”

這是F4介紹我認識林生前的"溫馨提示".
又唔係賣我落妓院, 就算係我都會好開心,
所以從頭到尾我完全沒有將話放在心上.

5月生日飯局上終於認識了傳聞中的十大奇蹟之一: 林生.
林生幫我改了一個藝名:"wa",(這就是www的由來)
寓意我可以憑另類豪放風格,於老青界殺出一條新血路.
一路上拜會了各路英雄/雌(唔知點分), 山精樹妖,
世界豁然開朗, 眼界為之大開.

如果我話我唔想識人只係想搵朋友,就擺明呃x你!

起初確實不安好心, 口裡說著話眼光郤四處亂飛
有興趣的暗暗記下名字, 回家慢慢做功課.
(結果, 我吃了一隻超大檸檬.)
後來和眾人熟絡起來, 我看清了自己的需要.
去年最常掛在口邊的一句是"回家的感覺真好".
我不是因為星期五六多了節目才不寂寞, 而是

我找到說著同樣語言的伙伴.

晚了五年, 我終於走進人生的另一個早該進入的階段.
至於"林生" 跟"無得番轉頭"的關係,我是後來才發現的.

Event
一向對工作無要求每日都是得過且過, 但今次亦可能是唯一一次

6月公司十年一度舉辦一個為期三日招待全國同事的活動
一直都恨/想做類似籌備活動的工作,郤又懶得找門路.
既然機會送上門自然爭取到底. 最後"搶"到負責晚宴及娛樂.

第一次主動向老細提交意見書.
第一次晚晚心甘命抵加班到十二點都唔願走.
第一次開會吵得面好熱耳,閙喊女同事
第一次同事不合作之餘還給人扣上搶功的罪名.
第一次搶了人家的工作來做.
等等等等

都說我公司像個溫室, 人家早經歷的我今天才體驗

一如所料, 由事前策劃到晚宴當晚, 整個過程亂到九彩.
聘用的agency又只顧搶錢, 什麼也不理.
只是一個工作, 我看到自己所有缺點, 看到自己有幾仆街.
(題外話,原來agency的負責人是林生朋友的朋友.
自己酒後亂性的邪照在面書給看了,還給揶揄了一番.
原來真的"番唔到轉頭".)

最後我證實了自己確實喜愛, 但可惜不適合此類型工作.
因為我太喜歡自己放工後的私生活.

喜歡又合適的, 果然難找.
工作如是, 人也如是.

(下回再續)

鳴謝
四哥: 無你何來有今日? 我從心底多謝你.
林生: 多謝你個藝名,多謝你一手捧紅我,多謝.....
少女J: 多謝你個大檸檬, 好甜呀!

4 Responses so far.

  1. F4 says:

    林生生日在5月...

  2. naruto says:

    有陣時都想得過且過,但過唔到自己呀

    識多咗朋友,會唔會跳少咗翻脹?

  3. casper says:

    我覺得F4冇介紹錯林生俾你識, 至少令你有咁多野寫!

  4. WWW says:

    F4
    五月咩?哈哈,年紀大機器壞呀,哈哈

    Naruto
    識多左朋友無跳少到,識左xx之後就少好多.

    casper
    有咁多野寫, 同林生有冇關呢, 可以話有可以話無啦..

Leave a Reply