(撞鬼 .成個月無寫blog ..你話無事發生無感想又唔係, 就係提唔起勁.)

話說1月1日加拿大的親戚一早來電講新年快樂,
劈頭第一句就問"www, 新一年有咩新目標呀?"
當堂打了個突, 剛睡醒牙都未擦你問我今年目標?

抱歉, 人生從來都無目標. 一世人
好聽的叫隨遇而安, 難聽的就是渾渾噩噩.
我做人真的無甚大志,
有人愛有愛做有飯食有朋友吹水就夠.

好一句"目標", 當頭棒喝.
胸無大志不要緊, 可以是一種人生態度
但停滯不前就罷明是自掘墳墓.

講完電話, 醒晒.

(今日真係好佩服E君咁大年紀去學中醫,
你咪理佢END UP 學唔學得成, 淨係呢
團火同行動力, 就好值得學習)

配合胸無大志的個性, 決定定下簡單一年計劃:
輕量版 : 年內看五十本書
中難版 : 寫多點BLOG
高難版 : 減肥加兩滴腹肌
超高難版: 對住某人少發點神經, 多用點大腦.

別笑我膚淺, 且看WWW今日兩翼輕扇,
會為以後的人生帶來一場怎樣的暴風雨.

3 Responses so far.

  1. Anonymous says:

    O...原來我跟你一樣無大志,但一年看50本書對我是超高難版, 包括娛樂雜誌嗎?
    朱朋

  2. naruto says:

    咩係兩滴腹肌?
    一次過睇哂五十期小新算唔算?

  3. 陳娃 says:

    朱朋兄, 鳴門兄

    好明顯我係煲大個數等望落靚d o者. 我睇到五本都偷笑啦

    之於兩滴腹肌就係指朝早起身未食野時, 個腹會有兩條疑似腹肌既微痕..

Leave a Reply