戲末攤牌，余春嬌憤然拋出一句「你為我做過啲乜?」
吵架時，總有一方會提出相類的控訴，小家的男人會從第一次請你吃飯開始數起。最怕遇著個無良心，聲大夾惡回你一句「估唔到你咁斤斤計較」。
咪玩啦，有那個人付出了不想得到回報? 即使最無私的母親，懷胎九月含辛茹苦養大你，不計較有無家用唔介意衰仔從來不噓寒問暖，心中還是存有一點渴望 : 望你生性做人。
付出後渴望回報乃自然行為，這不叫自私。
所謂偉大，都不過是願意先付出，又完全不介意支出與收入不平衡，但那點點收入還是需要的。有出無入的，要不是神，要不是痴線。
到底要付出多少才叫「做過野」，是情侶間永恆角力，這裡頭沒有對或錯，只有喜歡不喜歡、願意和不願意。
對方是公主病也好，還是為你賣身還賭債也好，假若有天被問到「你為我做過啲乜?」，開火前麻煩停一停、諗一諗。要唔要？唔捨得就繼續落本賭落去，或者對方願意降低門欖也說不定。
最怕那些輸打贏要磨爛席的。唔捨得落本又不願離場，拖拖拉拉等完場。為乜？你慢慢等，我走先。
Posts
咦！有火咁喎
其實最STUPID 就係貢問...
2個人一齊, 大家一定有付出, 而回報, 當然想啦..不過, 又唔可以預期太高, 同埋, 睇下你點睇既者..
好似對方放工好夜, 我要等佢, 呢D都係付出...唔係咩? 唔可以計較LOR.
而我, 都係唔等啦..仲細咩? 我相信每個人做野都有原因, 都決定左啦? 仲 "唔捨得落本又不願離場，拖拖拉拉等完場", 唔好SIDE大家時間啦...
如果真係有緣, 點都一齊架啦！aha
可能我睇化左! haha
nartuo
寫得有火好睇啲嘛 :P
仔:
哦～其實有下集既可以睇埋先ＨＡＡ
when a woman asked: 「你為我做過啲乜?, actually she is asking " why you are not marrying me".....trust me.