雖則IPHONE好很方便，但畢竟有些事還是坐在電腦面前做會比較方便，例如寫BLOG。又例如野外性戰隨時隨地好方便，但畢竟趟在家裡大床舒舒服服做比較愜意 (OK 我知呢個比喻完全錯晒.. )

前天寫那篇「你為我做過啲乜」不知何故一天內點擊率狂升 。我懷疑自己已經被列入中女 (定其實不需再懷疑??) 行列。你知中女訴苦講男人一向好受觀眾歡迎，特別係見到八婆叉起腰講 「你為我做撚過啲乜燃野!」時，大家不期然一路笑一路鬧但一路忍唔住睇。

其實原本有下集，但電腦死了一個星期又多，我已經忘了原本想寫什麼。隨緣

早幾年還沒有SMARTPHONE 時，電腦死了等同世界末日 。有無睇家有囍事? 還記得李香琴同蝦叔無電視看時那個反應? 對了 ! EXACT-7-LY 就係果句 「世界末日呀!! 慘無人道呀!」。當年，無電腦跟本不能做人 ! 但有了IPHONE後淡定許多了，並不是說IPHONE萬能，但有替代品至少還能滿足大部份需要。

正如當年無男人一樣會死，唔係你自殺死就係被親戚朋友問吊死。但時移世易，現在那麼多替代品，那麼多娛樂，to 嫁or not to 嫁也無容大驚小怪，更無需開一個節目討論。女人(or男人) 無男人真係唔會死。

雖然，有一個男人，生活會比較愜意 。