劉華真的害人不淺，一句「今時今日咁既服務態度係唔夠既」玩死全港服務業。

其實要做多少才為之 「夠」?

話說敝公司一連兩日於酒店舉行特賣會散貨，貨品一律低至3折發售。於是乎一大早便有一村人來到掃貨，要幾癲有幾癲。情形大概同當年H&M crossover 唔知邊q個牌子公開發售第一天時的狀況相同。

我蠻喜歡H&M的sales，全程黑面零服務，我完全接受，因為我知道我在H&M 而不是什麼大品牌購物，對我來說有人願意提供收錢服務，已經很充夠。

我還有一點理智，可今天大部份客人只能用任性、喪心病狂、賤格無品來形容。

當幾千件衫被客人搗亂成一個癈墟時，請你別要求我 「俾呢個款既大碼我呀」。我同呢個件衫既大碼並無宿世姻緣，殊我無本事從云云眾生中找到它。請你不要強人所難

還有還有，別問我「黃色同白色邊個好啲呀」，我不忍人告訴你兩件都核突到嘔。勉為其難說一句 「白色比較易污糟」時，請你不要追問「乜白色真係會易污糟架??」

係呀，同埋blow job唔會令你大肚架。

又驚俾人呃又唔信人又要問又要貪小便宜又無理，這就是今天香港的客戶

對他們，提供黑面已經好燃夠。