(番來啦!番來啦)

2008年雖然只是過了一半,但我想應該是人生中最精彩的其中一年. 可以想像年末寫大事回顧時要寫幾日幾夜. 撇除年頭雪災, 四川大地震及北京奧運這些照理與我適適相關, 但實際上同我完全無關的大事外, 就已經有迷step, 結friend, 搞event, 同埋認識現任. 短短6個月所發生的事, 己經是過去幾年的總和. 往後半年, 似乎依然會持續多事.

講起結friend, 話說今日朋友甲昨天留言 “你現在回不了頭, 對不起, 我改變了你” . 事源4月結friend時, 朋友甲介紹了一系列奇人異士給我認識, 當時一而再, 再而三警告我, 一旦與他們, 特別是天生童姥沾上關係, 將萬劫不復. 我當然有理無理便跳進圈子. 結果我有如和失散了多年的爸爸媽媽, 兄弟姊妹, 大姨媽, 大姑媽重聚, 如魚得水, 一去不復返.

我不否認朋友甲改變了我的人生, 我亦很感激. 但不用對不起, 因為我根本不想回頭 而且除了打牌番兜, 或者如miranda 同steve 做愛時會回頭之外, 我絕不會回頭!

一直以來, 除了楊千嬅, 我亦是心口掛著勇字, 抱著做了後悔好過未做而後悔的心態 (包括第一次和朋友甲見面 … ) 亂撞亂撞到現在. 雖然至今未曾成功過,不過最起碼未後悔過. 看見現在自己擁有的, 全都是過去種種所做的連鎖反應而得到的結果, 我想我是對的.

往後小弟會繼續亂撞, 各位睇路之餘, 亦請多多關照.

4 Responses so far.

  1. F4 says:

    我都是心口掛著勇字的人.
    只不過你們發現不到.
    但我第一次見你已經証明了. 哈哈.
    Welcome to our monster world.

  2. 小臭 says:

    邊個係天生童姥呀?

  3. naruto says:

    咁開心,可喜可賀

  4. Gary Lam says:

    呀 F4, 除左你既 FANS 侵佔人家地盤以外, 你都好鐘意係人家地盤表白自己喎~

    仲有呀, 你心口0個個係咪勇字呀, 係咪睇錯呀, 其實係咪個 "傭" 字呀?

    "得成女傭, 攪你老公"....

Leave a Reply