近來手提電話收到的cold call 數量急增至一個令人不能平心氣和對待的地步。
從前還會客氣的說一句"不用了"才掛線。可惜當去到每天收到三數個類似的電話時，已經completely 失去耐性。剛聽罷第一句話想也不想便即掛線。
被人掛線的感覺有多難受，我明白的。但信我，這已經是最好的解決方法。前天有人向老母推銷低息貸款，老母狂發(定發狂?) 雌威: 「你點搵到我電話 !!」「 邊個俾你打黎架!!」「借錢!? 你知唔知就係你地害死好多人!!」「你信唔信我報警!!!」連珠炮發的怒罵5分鐘。
千奇唔好得罪女人!
回題，話說前幾日收到一個陌生來電，聲稱我早前接受了電話訪問，這次是follow up call。姑且聽她說下去。
對家表示為答謝我接受訪問會送上一份禮物，只需留低姓氏，日後會有專人聯絡云云。接著又要我提供id 號碼，我忙說不用然後掛線了。
佢老味真好野，即刻再call 因為有來電顯示，我看到號碼索性不接直接按熄。即再call 再cut 再call ..... 佢真夠撚薑，如是者竟連續call了我5 次!!
希望你明白，當對方已經明確表示沒有興趣時，你做舍也是徒然。別妄想當中有什麼誤會，自己尚有一線生機。話你聽，無!!! 要說生機的話，就是退一步海闊天空。
死纏難打只會令人更討厭，同愛情人一樣。
浪漫的定義(?!)。
5 weeks ago
Posts
我今日都收到一個，話我之前幫佢做左個電話問卷(我真係做過，問稅問題嘅），而家送我惠康coupon＄500或sogo coupon $600或東南亞酒店coupon，但要親身去佢公司攞，因為要簽收比番贊助商云云。。。
送＄100反而可能信你，送$500我真係覺得無可能，收線
我試過答佢地話...
你送我就要架啦~ 我鐘意用自己既錢買喎~
條友唔識點回我...
呢D野我試唔少, 面對:
1. 話我答左問卷,有野送時,我答:幫我捐去公益金
2. 話有咩酒店會buffet,我答:我唔鍾意食野有discount架
3. 問我過唔過150磅,我答:唔過,再問我有無朋友過150磅,我答:我唔同肥人做朋友架
4. 做訪問最後問我介唔介意留個名,我答:極介意
5. 介紹公司優惠(即係sell保險), 我答:呢度無人想知
其實你跟他們講:請你以後不要打來及opt-out我的電話no.
他們就不能再打來，otherwise你就可以告他。
naruto
100 都可能係假啦!
林生/OGAKE
以前都有心機玩下野.. 咩都答過.. 近來真係煩到野都唔想講. CUT Q 佢線算.
TEE
無用架.. 我舊公司試過一輪早午都收到和記環球電訊推銷.. 次次都係我接到.. 我到後尾直頭叫佢留名.. 留經理名, 留電話, 叫佢從cold call list delete 我地電話都係照call ...
唔通真係告佢咩..
當你見到3字頭電話號碼 or "unknown"，你回答 "hello~~~"，佢就自動收線啦！