大肚婆

話說今天坐地鐵從金鐘返銅鑼時, 看見一位準老母(希望將來唔會好似我老母)個肚有兩個半西瓜咁大 (隨時生得果隻), 但又無位坐.於是乎...

先離一離題. 信我, 香港人是心地善良有良心的. 不讓坐的原因是因為絕大部份的香港乘客由踏入車廂那一剎那開始, 他/她已經靈魂出竅, 神遊太虛了. 儘管他的眼劈到五蚊銀咁大, 但他視神經已經停止活動. 特別是放工時候, 每一張臉都像剛被蹂躪過後那樣空洞...

回正題. 當我從太虛回來準備落車時, "發現"那位大肚婆在我面前. 於是我拍一拍最近我的一位學生哥要他讓坐 (當時我站著) . 學生哥一句也沒說便站起來了. 就在此時...

"唔使啦, 唔使啦, 唔使啦~~~~~~~~~~~~~~" 孕婦狂呼
我呆了一呆, 反問道 "你要準備下車嗎?'
孕婦呆了一呆, "唔使啦, 唔使啦, 唔使啦~~~~~~~~~~~~~~"

最後要她丈夫推她落坐位她才坐下. 然後她回望我時是一臉無奈........
但當我下車時她已經那著電話玩遊戲並無下車之意.

直到走出銅鑼灣站時, 我依然覺得自己好瘀, 好像一位既可憐又可憫的小朋友. 唉...

有無孕婦可以話我聽, 其實你地係咪prefer 企架? 係我下次唔多事啦..