講起算命占卜星相，早前同老母有以下對話
老: 奇怪你阿哥忽然間問起幾點出世，古古怪怪。
W: 哦~唔奇呀。紫微斗數、鐵版神算、三世書、就算起星盤通通都要出世時間啦。
老: 算命呀，等我仲以為佢地想夾八字結婚。
W: 發夢無咁早…. 咁你有無話佢聽呀?
老: 有，你阿哥就朝早x點 你就下午x 點。
W: 依!!!! 點解你會知架，我之前問你你明明話唔記得架喎。
老: 我係你老母! 我生你出黎點會唔記得!!??
W: 唔係喎，前幾年我想起星盘又想睇八字，問左你幾次你一時又話好似係上午，一時又話好似係下午 ..........
老: 痴線! 無可能!! 我有乜理由唔記得!!?? 我係你老母，我生你出黎點會唔記得....... #$%^#$%^#$%^$#%^ (x 1億次)
W: 係係係，我記錯。
老母分明就係唔想我算命，之前扮唔記得。証據是五分鐘後
老” 你呀!! 唔好去算命呀，無益架.! 折福架! 幫人算果啲都係折福架!! 當年你個親戚A 就係成日同啲三姑六婆走去乜都算, 你睇佢家下搞成咁….
W:………………………
隔數天
W: 老母，你講多次我係幾點出世??
老: 隔左咁多年我鬼記得咩... 上午掛
W: !!!!!!!!!!!!!!!!!!!!!!!!!!!!!
老母, 你好野!!!
Posts
同我阿媽一樣呀!!不過佢係唔想講我知而扮唔記得!
我係中午出生﹐仲係星期六。因為有馬跑。
你阿媽都係錫你啫
你問下佢佢嘅出生時間，睇下佢會點答
阿ta
haha .. 其實我老母都係扮唔記得.. 我都有聽過睇得算命多唔係幾好
best actor
你.........係馬場出世?
naruto
e .. 好主意wo .. 幫佢起星盤都好wo