前言: 終於到大‧結‧局‧啦!!


話說,前回提到我家的前保險經紀亦即親戚A一家的朋友, 爆出驚天秘密 !!

原來親戚A老公, 一早已經破產!

換句話說, 他跟本沒有能力償還任何債務!!! 講白啲, 條仆街問人借錢時跟本就無諗過還錢!

我明白他愛妻深切, 但有時不是要變對現實嗎? 難道他不知道會間接令其他人家破人亡嗎? 當你老婆還需要人照顧時,你不是應該對身邊的人好一點嗎??

老母真的晴天霹靂霹靂之餘, 不斷馬口炮說 "嘩好彩jar, 我本來都唔諗住借架啦, 你老豆差啲害死我!"   唉, 可憐老豆就此成為炮灰.....

我分得做第二個blog 寫, 故事當然未完.

老母不知如何拒絕A老公,決定找A女商量一下. (其實我唔係好明個logic, 點解要問個女點拒絕佢老豆呢?? but anyway, 有意外收穫!!)

A女再爆驚天秘密. 其實A女早已用自己名義向財務公司借了錢. 她雖然高收入, 但三份一人工還債, 三份一人工付屋租燈火臘, 三份一全家使用. 她已經足襟見肘. 絕對沒有能力再負擔額外的債務.

老母直頭係一盘冰水照頭淋,由心寒出黎啦.

第二日, 老母胡亂找個理由拒絕了親戚A, (之前又唔見咁爽手) 風波就此結束.
多謝各位收看

後記 : 事隔一個月, 親戚A 老公沒有舊事重提. 而親戚A亦都搬回住所(仍然無意識), 由工人照顧. 希望事情真的告一段落