早幾年開始, 我已經鼓吹大家不要在聖誕生日送禮了. 寧願大家開開心心食一餐貴少少的, 都要不要再花心機時間買禮物.

問心果句, 你今年聖誕/生日願望是什麼? 撇除升職加人工之類, 我信十個有十一個都話想要番個男人! 答唔想的, 只是不敢也非不想也. 工作類禮物大家都愛莫能助, 至於男人, 喂! 我係邊到變個出黎先??? 如果得, 我都變一個俾自己先啦, right????

你想要的我送不到, 只能送心意類. 但有時要娘娘稱心滿意 真的要天時地利人和缺一不可. end up係自己不喜歡的居多. 最怕收到不喜歡或沒有用的禮物, 怎算好? 咁多年生日聖誕, 有幾份到現在你還記得是誰送的, 而又一直有用或有擺出黎俾佢封塵? 恐怕大部份連封塵的資格都沒有, 便給拿去公司當抽獎禮物. 然後下年新年 又可能經第三者回到你手中... (ok 多左)

不過, 從某些人手中收到某些禮物 感覺又大不相同

第1位. agnes b 袋. 同事夾錢送
一年有一半以上的日子在用, 做gym用番工用去街用. 我那麼粗用的人用了幾年還很新淨, 算難得.

第一年入職幾個後生同事夾份的. 其實當中只有一個是最親的她也夾最大份. 我知道的. 她當年還未有人照顧環境不算好. 但她對朋友是義務反顧那種. 講真後來大家好景 求其送個mj袋都比這個貴. 但當年那心意我記住的



好啦 我認. 人地agnes b個袋有條帶, 我用左二個星期就俾我扯爛左......







第2位 nike 波鞋 大學同學送
well, 是我人生中第一對nike. 陰公, 21歲(其實我唔記得係邊年, 總之係20頭啦) 先擁有第一對nike. 的確nike鞋其實沒什特別, 不過"一生第一對"呢個label是跟一世. 近年雖然少穿了(因為多左好多對nike) , 但每次穿起我都想起當年屈同學送時的情景.




我想已經有8,9年吧? 最近已經很少穿 但都不捨得掉.






第3位 三角勁巾 哥哥送的
因為哥哥送的 所以上了三甲, 和哥哥的關係很微妙. 其實中間有十年因為分隔異地而沒有對話. 所以有點疏離. 而我哥哥亦有理由討厭我的, 所以我一直刻意保持距離. 但他相反頗庝錫我. 今年他知道我想要太陽眼鏡同三角巾, 便送了我. ok, 個太陽鏡我真係覺得好核突, 而家都唔知點算.

但那條muji三角巾我真的很喜歡, 而且真的很溫暖 . 多謝哥哥.











(好眼訓.. 有機會先寫下集)