<前言>
話說上個星期拍照時.. 我已經想好這篇blog 的開頭會是 :" 哈哈哈哈哈哈哈哈哈哈哈哈哈哈哈哈哈哈! 我做了o靚模!" 並準備將打了馬賽克的照片上傳. 結果昨天當我打開雜誌看到照片時............囧
************************************************************************
上星期一, V媽來電說要請兩位朋友幫她公司在某雜誌的廣告內當模特兒. 一個是我一個是葉生. 報酬是一堆咖啡卷及一隻咖啡杯. 哇, 20張卷+1隻杯都成700港幣喎. 而且只需要在lunch time 到公司樓下的分店花20分鐘拍照就袋袋平安. 而且, 而且可以做靚模喎!!
ok. 拍照前一天因為喝醉了, 來不及做mask, 修眉, 剪頭髮. 不過早上爬起來樣子(自以為)還見得人, 於是刮了鬍子便出門. v媽曾要"著型啲喎", 但公司又不許穿任帶點casual的衫. 於是只好穿(最貴果套)西裝. 緊張了一個早上, 終於到lunch time 啦!
拍照開頭還有點緊張不太自然, 換了幾個post後攝影師對我說 "你個樣都幾上鏡" . 哇哇哇, 我知這是大話, 我知架. 但我還是立刻由心笑出來. 之後
個心即刻雄左 !
雄左又點呢? angela auntie 上身囉. 攝影師按一下快門 我便換一個post. 他連按6下我又連換6個post. pro到呢 完全進入忘我境界. 當攝影師十分鐘後說可以收工時, 我整個人還很亢奮. 自覺充滿天份而沾沾自喜 (唉, 其實我應該諗到佢受撚夠我所以先收工). 然後我便滿心歡喜帶著一堆贈卷及一隻可愛咖啡杯離開. 接著整個星期我既興奮又緊張地期待著, 直至昨天我用了十分鐘翻爛雜誌才找到那雙頁廣告的一剎...................Diu La Sing !!!!!!!!!!!!!!!!!!!!!!!!!! 即刻打俾F4.
W: 仆街, 核撚突到呢
F: 出左街啦, 點呀
W: 係呀, 醜到呢. 你見過一塊面係青得黎又白, 白得黎又灰未? 仲有啲鬚根, 我明明朝早已經剃乾淨, 嘩, 一點點好似啲TB用墨水筆點鬍咁, 成面都係呀. 仲有塊面腫撚到呀 係我原本1.5倍. 我套suit 明明係slim fit 黎架, 手都舉唔起果隻呢. 佢而家影到成件孖襟咁 .個表情又怪喎 想笑笑唔出咁. 成個低b仔咁. 人地葉生果張影得好型好靚仔囉 !
F: 會唔會人地已經好努力搵左張最靚俾你架啦 .
W: 哦 ..............
多謝我的好朋友, F4真是我的好朋友. 看, 說話中肯到呢..
我唔理, 我現在強烈要求V媽公司能協助RECALL所有已出街的雜誌!!
不是心靈雞湯文。
2 weeks ago
Posts
I so want to see the ad.....You're so cute and I doubt it's that bad!
同model/artist影相，我都成日話：靚呀!好靚，keep住。。。
就係為左比信心你咋，𡃁模
BTW，邊本啫？你乖就自己講，比我搵到我post出嚟你仲衰
算喇, 真人靚仔就得喇.
哈哈!!
笑死我啦, 可唔可以話我知邊度搵到??
等我問下阿Vi借黎睇下先!
我見過你真人, 我估係攝影既問題, 放心啦!
做唔成O靚模, 可能有另類市場呢! BTW,係咪新出叮叮咖啡呀!?
朱朋
一次過覆晒
我係唔會講邊本雜誌架!!! 死都唔講.. 唔講呀!! 咩係叮叮咖啡呀? 咩黎架 .. 大叔你放過我la !!
或者只係你自己覺得唔靚, 我地覺得勁掂呢~
大叔~ 呢次靠你啦!
星期三出的,係咪壹仔呀
check過,吾係《臉》、《東仔》、《壹仔》、《三仔》、《奶》.....吾知係咪地鐵果d免費雜誌呢?
都唔係U呀!大家快D起佢底
你地班友真係癲架..
好啦.. 癈事你以為我吹水.. 係以上提過既雜誌入面其中一本..
咁都搵唔到証明我無講錯 .. 醜到認唔出!!
吾知係咪地鐵果d免費雜誌呢?
各位巴打，冇喎！
壹同U我好仔細(老婆嫩）咁睇哂啦喎，聽日落7仔買哂佢
Naruto
咁即係剩番臉》、《東仔》、《三仔》、《奶》!!
一陣我落去樓下間7仔打書釘,睇吓又搵唔搵到...
再double check哂《臉》、《東仔》、《三仔》、《奶》,都係塭吾到,投降啦,大家試下塭下《東仔》本聖誕特刊啦,我無左呢本無得塭呀.
好似搵到,係咪S字頭個間,入面條友叫做Wxxxy?
你班人痴線架 !!!!
不過tat兄估中! 獎品驚你唔敢要. 哈哈
記住唔準開估!!
我唔係痴線，係無聊咋。
其實揭本書時，睇到另一個廣告，初初以為係，相中人幾可口，唔係唔係，係幾嫩口，又係便裝，所以確定唔係。
後尾揭到另一頁，先見到個位面腫、有鬚根、神情痴呆的人，先可以確認搵啱。
獎品驚你唔敢要 <- 呢句好野，要抄底，幾時都用得著。
Hi, 你好, 嚟搭訕。
請問Tat先生, 即係邊本? 好想睇。如不便留言, 請send email :
gogo2006home@gmail.com
Thank you.
XD