話說幫我箍牙我那位心地善良, 宅心仁厚, 緊守原則的牙醫(我唔敢得罪佢, 我仲要箍2年), 因為原則問題, 幾皮野箍牙就真係箍牙, 洗牙要另收費. 於是乎我只好幫襯公司提供的免費洗牙服務

我開你名 , 諾科迪植齒中心上環分店. 店面裝修華麗, 服務員都穿著行政套裝 黑suit及膝裙. 登記要真form, 唔知以為係見工. ok 有mac機上網, 一齊包裝都好好, 好好.

但你條仆街要我等半個鐘 先幫我洗15分鐘牙 再要我等15分鐘等個牙醫黎做final inspection~~你幾好包裝服務都無撚用!!!!

我今日終於領悟到, 所謂預約, 是代表你有資格參加抽獎. 頭獎是準時, 二獎十分鐘, 至於大部份人得到的安慰獎是 "有, 我會盡快通知你", DLS.

suppose是方便您的預約服務, 今時今日已經變成閣下應有的責任. 當各商鋪都大力提昇客戶服務水平時, 你偏偏得到愈來愈差的服務. 點解?

因為這些所謂客戶服務其實是變相培育無頼.

你遲到我照樣給你看病, 下位麻煩等等. 一人遲五分鐘, 所以到我咪要等半個鐘lol !!!!!!!!!!!! 當你周遭的人都變成無頼時, 無論店鋪提供何樣服務, 你都會受到影響. 然後店鋪為迎合這班新進無頼於是又勉強提升服務水平, 無果樣整果樣. 於是又培育出一班更仆街的無頼. 個個變成bb, 喊下叫下就有奶食. 結果仆街無限, 服務有限. 你一對手揍到幾多個b? final inspection 這個idea是好, 但你牙醫都忙到仆街, 做得幾多樣? end up 又要我等!

我明白今時今日賺錢至上有錢大晒. 但都應該有底線. 我懷念從前city super 打part time時的阿姐們, 你無頼? 我黑面! 結果仆街死死地氣走人, city super依然客似雲來.

今時今日做客人咁既態度, 係唔得架!!