半醉。地鐵車廂內巧遇小學同學。

請不要誤會，我和他不是十多年沒見，一見面便被遊說購買保險那種。和他從小學畢業後便分道揚鑣，但一直在全港不同電子遊戲中心(俗稱機鋪) 碰見，數十年來交戰過百場。再加上同住銅鑼灣，大家的母親同事台灣人，小時素有聯絡，屬於不常見面的好友以下，同事以上的關係。

好啦，正題是朋友本週日，即26號boxing日擺酒結婚，朋友老母亦有邀請小弟及小弟老母出席。本來以拋諸腦後當發現屍體案處理，偏生今天郤在地鐵遇上。死伙啦，咁星期日仲去唔去好呢? 有幾項因素。

1. 老母
兩家老母都認識。兩位雖然多年無見，但基於台灣人的超愛面子基因，一個死要請，一個死要去。我可以博老母唔記得，但事後萬一被揭發，死罪可免，活罪難逃。

2. 緣
雖然早收到請帖，我其實真係completely 忘記了。雖然同住銅鑼灣，平時只在機鋪遇見，十幾年第一次地鐵巧遇，要不是綠，便是邪!! 今趟非去不可。

但，一想到人情，um..................